दावेदार नेपाललाई सजिलो छैन डिभिजन ३

अन्तर्राष्ट्रिय क्रिकेट परिषद (आइसिसी) ले विश्व क्रिकेट लिग डिभिजन ३ युगान्डामा गर्ने तय गरिसकेको थियो। यस्तोमा नेपालले युएईमा त्यसका लागि तयारी गर्ने योजना बुन्दै थियो।
आइसिसीको ग्लोबल एकेडेमी मैदानमा नेपालले अभ्यास खेल खेल्ने सम्भावना बन्यो। तर युएईले एकदिवसीय विश्वकप तयारी भनेर दोस्रो टोलीमात्र नेपालसँग उतार्ने जनायो। आइसिसीले डिभिजन ३ मै खेल्ने बर्मुडासँग पनि अर्को अभ्यास खेल खेल्न भन्यो।

अमृतको पुनरागमन

देब्रेहाते मध्यमत गतिका बलर अमृत भट्टराईलाई यति चाँडैं मैदानमा फर्किन्छु जस्तो लागेको थिएन्। एक महिना अगाडीसम्म उनी आफ्नो चोट ग्रस्त घुँडालाई लिएर अन्यौल थिए। शल्यक्रिया गरेको भए अमृत महिनौं मैदान बाहिर रहन सक्थे।
मेमा एसिसी प्रिमियर लिग खेल्न मलेसिया जानुअघि क्याम्पमा बलिङ गर्दा अमृतको घुँडा दोबरिएको थियो। एमआरआइ गर्दा उनको एसिएल पार्सल पूर्णरुपमा च्यातिएको देखिएको थियो। यस्तोमा उनीसँग शल्यक्रियाको विकल्प थिएन्। 

डा. चक्रराज पाण्डेसँग ग्रान्डी अस्पतालमा उपचार गराउदै अमृत भट्टराइ

कोरिया क्रिकेटमा नेपाली प्रशिक्षक

दक्षिण कोरियामा शनिबारबाट सुरु हुने एसियाली खेलकुदमा नेपालका तेक्वान्दो, कराते, क्रिकेट र गल्फ टोलीका प्रशिक्षक विदेशी छन्। विदेशी प्रशिक्षक नै रहेको नेपाली फुटबल टोलीले कोरियामा इराकसँग पराजय बेहोर्दै एसियाली खेलकुद प्रारम्भ गरिसकेको छ।
दीपेन्द्र चौधरीको कथा भने बेग्लै छ।
उनी नेपाली क्रिकेट प्रशिक्षक हुन्। एसियाली खेलकुदमा उनकै प्रशिक्षणमा महिला टोली मैदानमा ओर्लंदैछ तर नेपालको होइन, दक्षिण कोरियाको। उनलाई प्रशिक्षणमा सहयोग गरिरहेकी नीरा राजोपाध्याय नेपाली महिला राष्ट्रिय क्रिकेट टोलीका पूर्वकप्तान हुन्।

एसियाली खेलकुदमा महिला क्रिकेटको कठिन चुनौती

नेपाली महिला क्रिकेटले राम्रो नतिजा दिन सकेको छैन। विगतमा नेपालको पुरुषको राष्ट्रिय टोलीले जस्तै निर्णायक खेल हार्नु महिला क्रिकेटको नियति नै भइसकेको छ। १७औं एसियाली खेलकुदमा नेपाली महिला क्रिकेटले विगत उल्टाए जादु हुनेछ।
एसियाली खेलकुदमा दोस्रोपल्ट क्रिकेट समावेश गरिएको छ। नेपालले दुवैपल्ट सहभागिता जनाउँदैछ। अर्को हप्ता देखि दक्षिण कोरियामा हुने एसियाली खेलकुद मेलामा राम्रो नतिजा ल्याउन नेपालले ठूलै संघर्ष गर्नुपर्ने देखिन्छ। पदक ल्याउन नसके पनि सेमिफाइनलसम्म पुगे नेपाली महिला क्रिकेटको ठूलो सफलता मानिनेछ।

उत्कृष्ट बलरको ब्याटिङ विश्वास

जितेन्द्रसिंह ठकुरी एसिसी यु–१६ प्रिमियर क्रिकेटमा उत्कृष्ट बलर भए। उनी दुई वर्षदेखि रिकेश लामाको प्रशिक्षणमा छ। उनका प्रशिक्षक लामाको रहर भने जितेन्द्रलाई फेरि तेस्रो नम्बरमै ब्याटिङ गराउने छ।
मलेसियामा बुधबार सम्पन्न प्रतियोगिता जित्दै नेपालले एसियाली क्रिकेट परिषद (एसिसी) को सबै प्रतियोगिता जित्ने कीर्तिमान बनाउँदा जितेन्द्र ५ खेलमा केवल ३.७३ को औसतमा १५ विकेट लिँदै उत्कृष्ट बलरमा चुनिएका हुन्। थाइल्यान्डसँग पहिलो खेलमै ५ विकेट लिँदै उनले व्यक्तिगत र नेपालका राम्रो सुरुआत दिलाए।

जितेन्द्र सिंह ठकुरी । तस्विरः एसिसी

नेपालका प्रशिक्षकको पहिलो उपाधि

नेपालको पहिलो अन्तर्राष्ट्रिय प्रतियोगिता खेल्न जाँदा वसन्त शाहीलाई निकै ख्याति कमाउँला भन्ने थियो। कमै अवसर पाए, जसले उनलाई औसत खेलाडीमा मात्र चिनायो। सन् १९९६ मा मलेसियामा भएको एसिसी ट्रफी क्रिकेटपछि शाहीले नेपालको प्रतिनिधित्व गर्नै पाएनन्।
१८ वर्षपछि शाहीले प्रशिक्षकका रूपमा नेपाललाई डोर्‍याउने अवसर पाए। गन्तव्य उही मलेसिया थियो, लक्ष्य फरक। एसिसी यु–१६ प्रिमियर लिग, जुन नेपालले एसियाली क्रिकेट परिषद (एसिसी) को उमेर समूहमा जित्न नसकेको एकमात्र प्रतियोगिता जितेर ल्याउनु थियो।

वसन्त शाही

नेपाली यु–१६ टोली इतिहास रच्न केन्द्रित

नेपाल र मलेसियाबीच किनरारा ओभलमा हुने खेल एसिसी यु–१६ प्रिमियर क्रिकेटको अन्तिम खेल हो। तर यसले उपाधि छिनोफानो गर्ने हुनाले फाइनलसरह भएको छ।
नेपालले मलेसियामै जारी प्रतियोगितामा चार खेल जितिसकेको छ। बहराइनसँग पहिलो खेलमा वर्षाका कारण निराशा भोगेको मलेसिया पनि बाँकी ३ खेल जितेर उपाधि मुखमा उभिएको हो। प्रतियोगितामा सहभागी ६ टोलीले राउन्ड रोबिनमा एकअर्कासँग खेलेपछि विजेता छानिने छ।

कप्तानद्धय मलेसियका वीरनदिप सिंह र नेपालका सुमित महर्जन। तस्विरः एसिसी