एसिया कपसँग सम्बन्ध टुटेपछि एसिसी ट्रफी इलिटको रौनकमा कमी आएको दाबी गर्ने पनि छन्। अर्को साता युएईमा हुने एसियाको एसोसिएट राष्ट्रको सबैभन्दा ठूलो प्रतियोगितामा नेपालको तयारी र लक्ष्य हेर्ने हो भने एसिसी ट्रफी प्रमुख प्रतियोगितामै देखिन्छ।
 |
| तस्विरः विजय राई/नागरिक |
सन् १९९६ मा सुरु भएर हरेक दुई वर्षमा हुँदै आएको एसिसी ट्रफीको यो नवौं संस्करण हो। पहिलो दुई संस्करणमा यसको विजेताले भारत, पाकिस्तान र श्रीलंकासम्मिलित एसिया कपमा खेल्न पाउने प्रावधान थियो। २००० मा बंगलादेशले टेस्ट खेल्ने मान्यता पाएपछि एसिसी ट्रफीको फाइनल पुग्ने टोलीले एसिया कपमा खेल्न पाउने नियम बन्यो।
