ह्युजले खोसेको नेपाली सपना

श्रीलंकासँग जुझारु प्रदर्शन गरेर हारेको नेपाली यु–१९ क्रिकेट टोली अस्ट्रेलियासँग खेल्न तयार थियो। मलेसियामा सन् २००८ को आइसिसी यु–१९ विश्वकप क्रिकेटको उक्त खेलमा नेपालले नतिजामा खासै ठूलो अपेक्षा राखेको थिएन।
२००८ फ्रेबुअरी १९ को दिन अस्ट्रलियासँग खेल्नुअघि नेपाली टोलीमा खबर आयो, 'अस्ट्रेलियाली टोलीका एक ओपनरले प्रथम श्रेणीको क्रिकेट खेलिसकेका रहेछन्।' ती अरु कोही नभएर फिलिप ह्युज थिए, जसको निधनले अहिले विश्व खेलकुदमा सन्नाटा छाएको छ। 

अस्ट्रेलियाको एडिलेडमा डब्लुसिएनएल खेलक्रममा फिलिप ह्युजप्रति श्रद्धान्जली दिदैं खेलाडी तथा अफिसियल। ४ सय ८ उनको अस्ट्रेलियाको टेस्ट खेलाडी नम्बर हो। इन्सेटमा बलले लागेर मृत्यु भएका अस्ट्रेलियन क्रिकेटर ह्युज। तस्बिरः आइसिसी

रातो बल र सेतो लुगामा फर्किएको नेपाली क्रिकेट

पारस खड्का उमेरले १७ वर्ष लाग्दैथिए। सन् २००४ को अन्तरमहादेशीय कपमा मलेसियासँगको खेलबाट राष्ट्रिय टोलीमा प्रवेश पाउन उनी कीर्तिपुर मैदानमा उभिएका थिए। एकैपटक तीनदिवसीय खेल खेल्नुपर्ने भएकाले पारसजस्ता युवा खेलाडीको असली परीक्षा हुने सबैको अनुमान थियो।
पारस क्रिजमा जाँदा नेपालले ३८ रनमा ५ विकेट गुमाइसकेको थियो। उनले अनुभवी शक्ति गौचनसँग ८० रन जोडेपछि आफ्नो 'डेब्यु' अविस्मरणीय मात्र बनाएनन् नेपालको विजय आधार पनि तयार पारे। उनले यसअघि मलेसियाको पहिलो इनिङ्समा दुई सानदार क्याच र १ विकेट लिइसकेका थिए। 

नेपालले श्रीलंकाको डेभलपमेन्ट टोलीविरुद्ध यही सेतो जर्सी लगाएर खेल्ने छ। तस्विरः विनोद पाण्डे

डिभिजन २ अगाडी खोजिएको पद्धति

'टुँडिखेलमा खेलेर डिभिजन २ मा ल्याइयो, अब हाम्रो नेपालमा एउटा रंगशाला चाहियो।'
विश्व क्रिकेट लिग डिभिजन ३ लिग जितेर मलेसियाबाट फर्किएको नेपाली टोलीको स्वागत गर्न त्रिभुवन विमानस्थल पुगेका समर्थक एकोहोरो चिच्याइरहेका थिए।
प्रशिक्षक पुबुदु दासानायकेको चिन्ता पनि यसै सेरोफेरोमा थियो। 'प्रतिभाको हिसाबमा हामी डिभिजन २ मा राम्रो गर्न योग्य छौं, तर त्यहीअनुसार पद्धति हुनुपर्‍यो त्यो प्रतियोगिताका लागि,' उनले व्यवस्थापनतर्फ इंगित गरे।

युगान्डासँग निरन्तरताको लक्ष्य

आइसिसी विश्व क्रिकेट लिग डिभिजन ३ बिहीबार मलेसियामा सुरु हुँदा नेपाल र युगान्डाले पुरानै भेटलाई निरन्तरता दिने छन्। यसबाहेक अमेरिका, मलेसिया, बर्मुडा र सिंगापुरको चुनौती पनि यी दुई टोलीसामू छ।
गत वर्षको मे महिनामा पनि नेपाल र युगान्डा नै डिभिजन ३ को फाइनलमा पुग्दै एकदिवसीय विश्वकप छनोटमा परेका थिए। नेपालले बर्मुडामा समूह चरणमा युगान्डासँग पाएको ६ विकेटको पराजय बदला फाइनलमा ५ विकेटले लिएको थियो। 

नेपाली टोलीका कप्तान पारस खड्कासहित अन्य पाँच देशका कप्तान डिभिजन ३ ट्रफीका साथ । तस्विरः आइसिसी

दासानायके नेपाली क्रिकेट छाडेर जादैं

नेपाली क्रिकेट प्रशिक्षक पुबुदु दासानायके बुधबार क्यानडा फर्कंदैछन्।
वर्षायाम लागेसँगै नेपाली क्रिकेटका विदेशी प्रशिक्षक यो समय छुट्टीमा घर जाने गर्थे। पुबुदुको कथा भने फरक छ। वर्तमान नेपाली क्रिकेटको भद्रगोल अवस्थाले उनी सधैंका लागि क्यानडा फर्कन लागेका हुन्।

अफगानिस्तान र युएईलाई देखाउने अवसर

एसिसी प्रिमियर लिग खेल्न मलेसिया जादा नेपाली क्रिकेट टोली आन्तरिक समस्याहरु विर्सने प्रयासमा छ। ट्वान्टी–२० विश्वकपमा ऐतिहासिक सहभागिता जनाएको १५ दिनपछि नै नेपाली क्रिकेट आन्तरिक विवादमा रुमल्लिएको थियो।
देशको क्रिकेटको सर्वोच्च संस्था नेपाल क्रिकेट संघ (क्यान) मा थिति बसाल्नुपर्ने माग राख्दै विश्वकप खेलेका १६ खेलाडीले राष्ट्रिय प्रतियोगिता बहिस्कार गरेका थिए। उनीहरुले १० बुँदे मागमा क्यानमा आर्थिक पारदर्शीताको पनि आवाज उठाएका थिए। त्यसैलाई लिएर अख्तियार दुरुपयोग अनुसन्धान आयोगले क्यानको अनुसन्धान गरिरहेको छ।

आन्दोलित खेलाडीलाई वार्तामा आउन क्यानको अनुरोध

एक साता भित्रै तलब र भत्ता उपलब्ध गराइने बाचा

नेपाल क्रिकेट संघ (क्यान) ले राष्ट्रिय क्रिकेट खेलाडीहरूको लामो समयदेखि बाँकी तलबभत्ता एक साताभित्र दिने बाचा गर्दै वार्तामा आउन आह्वान गरेको छ।
क्रिकेट खेलाडीहरूले करिब आठ महिनादेखिको तलबभत्ता तत्काल दिनुपर्ने, क्यानको व्यवस्थापन परिवर्तन गर्नुपर्ने लगायत माग राख्दै बुधबार सुरु राष्ट्रिय प्रतियोगिता बहिष्कार गरेपछि क्यान दबाबमा परेको थियो। त्यही दबाबका कारण क्यानले शनिबार आकस्मिक बोर्ड बैठक डाकेर सात दिनभित्र खेलाडीहरूको तलब र सबै भत्ता दिने निर्णय गरेको हो। बैठक झन्डै पाँच घन्टा चलेको थियो।

पत्रकार सम्मेलनमा क्यानका पदाधिकारीहरु। तस्विर सौजन्यः दीनेश गोले

क्रिकेट खेलाडीद्वारा राष्ट्रिय प्रतियोगिता बहिस्कार

'आठ महिनादेखि तलब पाएका छैनौं'
ट्वान्टी–२० विश्वकप खेलेको महिनादिन नबित्दै राष्ट्रिय क्रिकेट खेलाडीहरूले न्यूनतम भत्तादेखि ८ महिनासम्मको तलब नपाएको भन्दै राष्ट्रिय प्रतियोगिता बहिस्कार गरेका छन्। उनीहरूले नेपाल क्रिकेट संघ (क्यान) मा परिवर्तनको मागसमेत राखेका छन्।
राष्ट्रिय प्रतियोगिता बुधबारदेखि राजधानी र पोखरामा सुरु भइसकेको छ। विश्वकप खेलेका सबै राष्ट्रिय खेलाडी विभागीय टोलीहरू नेपाल एपिएफ क्लब र त्रिभुवन आर्मी क्लबमा आबद्ध छन्। कप्तान पारस खड्का, उपकप्तान ज्ञानेन्द्र मल्ल, शक्ति गौचन, वसन्त रेग्मी, सुवास खकुरेल एपिएफमा छन् भने विनोद भण्डारी, सागर पुन, जितेन्द्र मुखिया, सोमपाल कामीसहितका खेलाडी आर्मीमा आबद्ध छन्।

'क्रिकेटको चोट ग्रस्त वर्ष'

नरेश बुढाएर यसो फर्किएका मात्र के थिए, जितेन्द्र मुखियाले त्यही मौकामा बल समात्न भनेर उनलाई फाल्न पुगे। त्यही बल नरेशको टाउकोमा लाग्यो। उनको आँखीको डिल फुट्यो। नरेश रगताम्मे टाउको समात्दै मैदान बाहिर निस्किए।
'फ्रिक' दुर्घटनापछि शुक्रबार कीर्तिपुरस्थित त्रिवि क्रिकेट मैदानमा विश्व ट्वान्टी–२० क्रिकेटको तयारीमा अभ्यासरत नेपालको गति केही समय रोकिन पुग्यो। मलेसियाबाट अघिल्लो दिन मात्र फर्किएका एसभी सुभ्रा मैदान के पुगेका थिए, नरेश टाउको समाउँदै उनीसमक्ष पुगिहाले। सुभ्राले ब्यान्डेजले नरेशको टाउको बेरिदिए। केही समयको विश्रामपछि नरेश फेरि मैदान पसे। 

नरेश बुढाएर । तस्विरः विजय राइ/नागरिक

हारले उघारिएका कमजोरी

विश्लेषण
सफलताले धेरै पक्ष लुकाउँछ, हारले सवै पाटो उघारिदिन्छ, खास गरी कमजोरी। एकदिवसीय विश्वकप छनोटमा लगातारको हारले नेपाल क्रिकेटका धेरै कमजोरीलाई उदाङ्गो पारेको छ। अगामी विश्वकपमा छनोट हुने महत्वकांक्षी लक्ष्य बनाएको अवस्थामा समूह चरणका सवै चार खेल र पहिलो प्लेअफमा पराजय भोग्दै नेपाली टोलीले राष्ट्रिय क्रिकेटको भविष्यलाई अन्यौल बनाएको छ।
दुई महिनाअघि युएईमा विश्व ट्वान्टी–२० छनोटमा नेपालले स्मरणीय प्रदर्शन गर्‍यो। आयरल्यान्ड र अफगानिस्तानपछि तेस्रो हुँदैं नेपाल ट्वान्टी–२० विश्वकपलाई छानियो। न्युजिल्यान्डमा जारी प्रतियोगितामा आयरल्यान्ड र अफगानिस्तान छैनन्। विश्व क्रिकेट च्याम्पियनसिपको शीर्ष दुईमा परेका आयरल्यान्ड र अफगानिस्तान सोझै छनोट भइसकेकाले नेपाललाई एकदिवसीय विश्वकपमा छनोट हुने दावेदारका रुपमा राखिएको थियो। 

नेदरल्यान्ड्ससँगको पछिल्लो हारले निराश नेपाली टोली। तस्विरः देवेन्द्र सुवेदी

स्वर्णिम इतिहासको पर्खाइमा नेपाली क्रिकेट

नेपाली क्रिकेट इतिहासकै स्वर्णिम मोडमा पुगेको छ। यो मोड पार गरे नेपाली टोली विश्वकपमा पुग्नेछ। न्युजिल्यान्डमा सोमबार सुरु हुने एकदिवसीय विश्वकप छनोटमा सफल भएमा नेपाली क्रिकेटले सबैभन्दा ठूलो सफलता पाउनेछ।
नेपाल ट्वान्टी–२० विश्वकपमा छानिएको २ महिना पनि भएको छैन। युएईमा विश्व ट्वान्टी–२० छनोटमा तेस्रो हुँदै पाएको सफलताले नेपाललाई क्रिकेटको सबैभन्दा माथिल्लो स्तरमा पुर्‍याएको हो। न्युजिल्यान्डमा नेपाली टोली सफल भए विश्व ट्वान्टी–२० भन्दा माथिको उचाइमा पुग्नेछ।

अप्रिलमा भएको एसिसी ट्वान्टी–२० कपको सेमिफाइनलमा शक्ति गौचन युएईका खेलाडीको विकेट लिएपछि।                               फाइल तस्बिरः विकास कार्की

'छक्कै छक्का हानिन्छ, विश्वकप खेलिन्छ'

पछिल्लो २६ महिनायता नेपाली राष्ट्रिय क्रिकेट टोली अन्तर्राष्ट्रिय प्रतियोगिता खेलेर विरलै खाली हात फर्केको छ। आइसिसी विश्व ट्वान्टी–२० छनोटमा सहभागिता जनाएर आइतबार स्वदेश फर्केको नेपाली टोलीको हातमा भने कुनै ट्रफी थिएन। तर, यसपालि उनीहरूले जति सम्मान पाए, त्यति अहिलेसम्मको कुनै ट्रफीले दिएन।
युएईमा शनिबार सम्पन्न विश्व ट्वान्टी–२० छनोटमा तेस्रो भएकाले नेपाली टोलीले कुनै ट्रफी उचाल्न पाएन। उपाधि नपाए पनि नेपाललाई विश्वकप क्रिकेटको मैदानमा पुर्‍याएर ऐतिहासिक सफलता दिलाएको टोलीलाई आत्मैदेखि गर्वसाथ स्वागत गरे नेपाली खेलप्रेमीहरूले।

त्रिभुवन विमानस्थल बाहिर निस्कदैं पारस खड्का र नेपाली टोली। तस्बिरः विकास कार्की/नागरिक

नेपाली क्रिकेट परिभाषित शरद

शरद भेषावकरले नेपाली क्रिकेटलाई परिभाषित गर्छन् भन्दा अतिशयोक्ति नहोला। आयोजक युएईसँग शनिबार मध्यपंक्तिका ब्याट्सम्यान शरदले लगातार २ छक्का प्रहार गर्दै नेपाललाई आइसिसी विश्व ट्वान्टी–२० छनोटमा तेस्रो स्थान दिलाउन जुन भूमिका खेले, त्यसले नै शरदको क्षमता प्रष्ट पार्छ।
नेपालले प्रतियोगितामा दोस्रो ब्याटिङ गर्दै ५ खेल जित्यो। ४ खेलमा शरदले विजयी रन बटुले। डेनमार्कसँगको पहिलो खेल छाड्ने हो भने बाँकी तीन इनिङ्स शरदकै मात्र नभएर नेपाली क्रिकेटकै स्मरणीय हुनसक्छ। केन्यासँग अन्तिम ओभरमा १७ रन आवश्यक हुँदा शरदले एक्लैले ३ छक्कासहित २० रन बनाए।

हङकङसँग अन्तिम ओभरमा निर्णायक भुमिका खेल्दै शरद भेषावकर। तस्बिरः रमन सिवाकोटी

'यस्तो चोट कसैलाई नलागोस्'

आइसिसी ट्वान्टी–२० विश्वकप छनोटको नतिजालाई लिएर नेपाली प्रशंसक जति उकुसमुकुसमा छन्, त्योभन्दा धेरै छट्पटी पूर्वकप्तान विनोद दासलाई छ। नेपाल विश्व ट्वान्टी–२० छनोटनजिक पुगेका बेला इतिहास रच्ने यो अवसरमा विनोद भने टोलीबाट अलग छन्।
उनीसँगै सञ्जम रेग्मी र पृथु बाँस्कोटा चोटका कारण युएई जानै पाएनन्। विनोद र सञ्जम पछिल्लो एक दशकभन्दा बढी समयदेखि नेपाली टोलीका नियमित सदस्य हुन्। दुई वर्षयता पृथुले पनि आफूलाई टोलीको प्रमुख सदस्यमा स्थापित गरिसकेका छन्। बुधबार हुने खेलमा हङकङलाई पराजित गरे नेपाल अर्को वर्ष बंगलादेशमा हुने ट्वान्टी–२० विश्वकपमा छानिनेछ। 

विनोद दास, पृथु बाँस्कोटा, सञ्जम रेग्मी

सजिलो छैन नेपालको विश्वकप यात्रा

विश्वकप खेल्ने उद्देश्यमा रहेको नेपालका लागि पहिलो खेलमा डेनमार्क खासै ठूलो चुनौती नहोला। आइसिसी विश्व ट्वान्टी–२० छनोट यात्रामा नेपालको बाटो सहज भने छैन।
पछिल्लो दुई वर्षको प्रदर्शनका आधारमा नेपाललाई बलियो टोलीमा राखिएको छ। नेपालको आफ्नै उद्देश्य पनि अर्को वर्ष बंगलादेशमा हुने विश्व ट्वान्टी–२० मा छनोट हुनु छ। त्यस विपरीत डेनमार्कलाई प्रतियोगिताको सबैभन्दा कमजोर टोलीमा राखिएको छ। गत वर्ष मार्चमा सम्पन्न यही प्रतियोगितामा डेनमार्क १६ टोलीमा पुछारमा थियो।

नेपाल समावेश समूह 'बी' का कप्तानहरु विश्व ट्वान्टी ट्रफीका साथ। नेपाली टोलीका कप्तान पारस खड्का बायाबाट चौथो ।              तस्विरः आइसिसी

विश्वकप यात्राको 'टर्निङ प्वाइन्ट'

आइसिसी विश्व ट्वान्टी–२० छनोट प्रतियोगिता नेपालका लागि 'टर्निङ प्वाइन्ट' हुनसक्छ। दुई वर्षअघि यही प्रतियोगितामा नेपालले प्रतिद्वन्द्वीलाई चिन्ने अवसर मात्र पाएन, भविष्यको चुनौती आँकलन गर्ने मौका पनि पाएको थियो। तिनै परिचित प्रतिद्वन्द्वीको नाडी छामेर नेपालले अर्को वर्ष बंगलादेशमा हुने विश्व ट्वान्टी–२० को ढोका खोल्ने धेरैको विश्वास छ।
सन् २०१० मा नेपाल डिभिजन ४ मा रोकिएपछि अफगानिस्तानका तत्कालीन प्रशिक्षक ताज मलिकले भनेका थिए, 'नेपालको स्तर धेरै माथि छ। तर नेपाल ठूलो टोली भनेर अरुसँग डराउँछ। एकपल्ट नेपालले एउटा लेभल पार गरेर ठूलो टोलीमा गनिएका कुनै टोलीलाई हरायो भने जितको क्रम सुरु हुन्छ।'

तस्विरः विजय राई

मिसन ट्वान्टी–२० विश्वकप

विश्व ट्वान्टी–२० छनोटमा नेपालसामु धेरै चुनौती छन्। नेपालको विश्वकप सपना यसैसँग जोडिएको छ। एसोसिएट राष्ट्रका अन्य बलिया विपक्षीसँग खेल्नुपर्ने यथार्थबीच प्रशिक्षक पुबुदु दासानायकेले प्रतियोगिता जितेर सोझै ट्वान्टी–२० विश्वकपमा छनोट हुने लक्ष्य बनाएका छन्।

'मेरो लक्ष्य उपाधि जित्नु नै हो। समूहमा शीर्ष भएर विश्वकपमा छनोट हुनु हो,' दासानायके आत्मविश्वास साथ भन्छन्। तीन महिनाअघि सिंगापुरमा नेपाल एसिसी इमर्जिङ टिम्स कपको एकदिवसीय खेलमा अफगानिस्तानमाथि विजय पाउन थोरैले चुकेको थियो। दासानायके ट्वान्टी–२० विश्वकपमा छनोट हुने आधार यसैलाई मान्छन्।

ब्याट्सम्यान शरद भेषावकर प्रशिक्षणमा। तस्विरः विजय राई/नागरिक

राष्ट्रिय टोली बाउन्ड्री बाहिर, क्षेत्रीय क्रिकेट भित्र

दसदिने दिल्ली भ्रमणमा सात अभ्यास खेल खेलेर काठमाडौं फर्केपछि नेपाली राष्ट्रिय टोलीको बाँकी प्रशिक्षण कीर्तिपुरस्थित त्रिवि मैदानमै तय थियो। विश्व ट्वान्टी–२० छनोट खेल्न नेपाली टोली नोभेम्बर १० मा युएई जाँदैछ। दिल्लीमा पूरा नभएका रणनीतिक पक्ष उनीहरूको स्वेदशको अभ्यासमा बनाउने योजना थियो।
सोहीअनुरुप शुक्रबार बिहान मैदान पुग्दा खेलाडीहरू एक्कासि झस्किन पुगे। मैदानमा काठमाडौं क्षेत्रीय यु–१९ प्रतियोगिता भइरहेको थियो। नेट्सको अभ्यास विकेट तयारी थिएन। प्रशिक्षक पुबुदु दासानायके राष्ट्रिय खेलाडीलाई खेलाउनभन्दा पनि ललितपुर र भक्तपुर जिल्लाको यु–१९ छनोट प्रतियोगिता हेर्नै बाध्य भए। उनीसँग वर्तमानभन्दा पनि भविष्यको खेलाडी हेर्नुको विकल्प थिएन।
सामन्य स्ट्रेचिङ गरेपछि खेलाडी बाउन्ड्री लाइन बाहिरबाटै ललितपुर र भक्तपुर खेल हेर्न बाध्य थिए। त्यसपछि राष्ट्रिय टोलीका कप्तान पारस खड्काले आफूलाई सम्हाल्न सकेनन्। अघिल्लो महिना अन्तर्राष्ट्रिय क्रिकेट परिषद्ले क्यानलाई ८४ हजार डलर जरिवाना गराउँदाको विषयमा नेपाली क्रिकेटको सर्वोच्च निकायका जिम्मेवार व्यक्तिहरूको नैतिकतामा समेत प्रश्न उठाएका उनले दिल्ली भ्रमणको कमजोरीदेखि अभ्यासका लागि मैदान र नेट्स नपाउँदा नेपाल क्रिकेट संघ (क्यान) को खुलेर आलोचना गरे। कप्तान पारसकै शब्दमा : 

कप्तान पारस खड्का मिडियासँग आलोचना पोख्दै

पहिलोमै आर्मी च्याम्पियन

त्रिभुवन आर्मी क्लबले पहिलो सहभागितामै पेप्सी स्ट्यान्डर्ड चार्टर्ड ट्वान्टी–२० राष्ट्रिय क्रिकेट प्रतियोगिता जितेको छ। शुक्रबार पाँचौं संस्करणको फाइनलमा आर्मीले साविक विजेता नेपाल एपिएफ क्लबलाई ५ विकेटले पराजित गर्‍यो।
कीर्तिपुरस्थित त्रिवि मैदानमा वर्षाका कारण १६ ओभरमा छोट्याइएको खेलमा टस जितेको एपिएफले ७ विकेट गुमाई १ सय १२ रन बनायो। कप्तान विनोद भण्डारीले अविजित ३० रन बनाएपछि आर्मीले ४ बलअघि लक्ष्य पूरा गर्‍यो। विनोदले वसन्त रेग्मीलाई स्ट्रेट चौका प्रहार गरेपछि आर्मीले १ सय १६ रन बनायो।

त्रिभुवन आर्मी क्लब उपाधि जितेपछि। तस्विरः विकास कार्की/नागरिक

विश्वकपको बाटोमा सिंगापुरको यात्रा

विश्व ट्वान्टी–२० र एकदिवसीय विश्वकप छनोट नेपाली क्रिकेटका आगामी महत्वपूर्ण अभियान हुन्। सिंगापुरमा शनिबार सुरु हुने एसिसी इमर्जिङ टिम्स कपले ती प्रतियोगिता खेल्नु अघि नेपाली क्रिकेटको स्तर मापन गर्नेछ।
सिंगापुर पुग्नुअघि नेपालले कोलम्बोमा श्रीलंकाको यु–२३ टोलीसँग चार अभ्यास खेल खेलेको थियो। सवै ४ खेल हार्दा नेपालले ३ खेलमा सजिलै घुँडा टेकेको थियो। श्रीलंकासहित टेस्ट खेल्ने भारत, पाकिस्तान र बंगलादेशको यु–२३ टोलीले प्रतियोगितामा सहभागिता जनाउदैं छन्। नेपालको समूहमा भारत, पाकिस्तान र अफगानिस्तान छन्।

८ देशका कप्तानहरु ट्रफीका साथ ।  तस्विरः एसिसी