युएईसँगको फाइनल खेल्नु अगाडि प्रशिक्षक पुबुदु दासानायके नेपाली टोलीको छनोटलाई लिएर अन्योलमा छन्। युएईको शारजहाँमा नेपालले शुक्रबार घरेलु टोलीसँग एसिसी ट्रफी इलिटको फाइनल खेल्दैछ। तीब्र बलरद्वय विनोद दास र अमृत भट्टराई घाइते भएकाले दासानायकेलाई टोली छनोटमा संकट परेको हो।
युएई उड्नुअघि सामान्य चोट बोकेका विनोदको प्रतियोगिता सुरु हुने अघिल्लो दिन घुँडाको चोट बल्भि्कएको थियो। बलिङ गरेर टेक्दा विनोदको घुँडामा समस्या देखियो। छाती दुखाइका कारण अमृतले मलेसियासँग सेमिफाइनलमा ३.३ ओभर बलिङ गरेपछि नै छाडेका थिए। सोही समस्याका कारण उनले कुवेत र साउदी अरेबियासँग पनि खेलेका थिएनन्।
 |
| नेपाली खेलाडी शरद भेषावकर। फाइल तस्विर : विकास कार्की/नागरिक |
